काठमाडौं : अमेरिकाको तल्लो सदन हाउस अफ रिप्रजेन्टेटिभ्सले युक्रेनको सहयोगका लागि ६१ अर्ब डलरको राहत प्याकेज पास गरेको छ।
हाउसमा भएको मतदानमा उक्त प्रस्तावको पक्षमा ३ सय ११ र पक्षमा र १ सय १२ मत विपक्षमा परेको थियो। यो प्रस्ताव अब सिनेटमा जानेछ। सिनेटबाटसमेत यो प्रस्ताव पास हुने सम्भावना छ। दुवै सदनबाट पारित भएपछि राष्ट्रपति जो बाइडेनबाट स्वीकृत भएपछि यो प्रस्तावले कानूनी रुप प्राप्त गर्नेछ।
राष्ट्रपति जो बाइडेनले यो सहयोगपछि युद्ध रोकिने र हजारौँ जीन्दगी जोगिन सक्ने दाबी गरेका छन्। हाउस अफ रिप्रजेन्टेटिभ्सबाट उक्त प्रस्ताव पारित भएपछि युक्रेनका राष्ट्रपति भोलोदिमिर जेलेन्स्कीले खुसी व्यक्त गरेका छन्।
रुसी आक्रमण झेलिरहेको युक्रेनले अमेरिकी सहयोग नआए तेस्रो विश्वयुद्ध हुने चेतावनी दिएको थियो। युक्रेनसँगै अमेरिकी तल्लो सदनबाट इजरायलका लागि २६ अर्ब डलर सहयोग प्याकेज पनि पारित भएको छ। गाजामा मानवीय सहयोगका लागि भन्दै ९ अर्ब डलरको राहत प्याकेजसमेत पारित भएको जनाइएको छ।
तपाईंको ईमेल गोप्य राखिनेछ ।