रोज भिलेजवासी स्तब्ध
रोज भिलेजवासी स्तब्ध
बोस्टन : अमेरिकाको मिजुरी राज्यमा मंगलबार भएको सवारी दुर्घटनामा तीन नेपालीको मृत्यु भएको छ।
स्थानीय जोप्लिन प्रहरीका अनुसार मृत्यु हुनेमा श्रद्धा खनाल ओझा, उनका बुबा गोविन्द खनाल र आमा शान्ता खनाल छन्। उनका बुबा-आमा अमेरिका घुम्न नेपालबाट आएका हुन्। कार चालक श्रद्धाका पति प्रभाश ओझा र उनीहरूका ४ वर्षीय छोरा अस्पतालमा छन्। प्रभाशको अवस्था स्थिर छ भने बालिका अवस्था चिन्ताजनक छ।
प्रभाश आफ्नो टोयोटा आरएभी ४ हाँकेर मिजुरी २४९ को अन्तरराज्य राजमार्ग ४४ पूर्व गइरहेका थिए। उनले गाडी बत्तिमा रोकेका बेला पछाडीबाट टोयोटाको पिकअप ट्रकले हानेको थियो। श्रद्धा र प्रभाश अगाडी सिटमा थिए, अरू पछाडीको सिटमा। गोविन्दलाई घटनास्थलमा, तथा श्रद्धा र आमा शान्तालाई अस्पताल मृत घोषित गरिएको थियो।
ओझाको परिवार स्थानीय ब्ल्यु स्प्रिङ्समा बस्दै आएको छ। पछाडीबाट ठोक्काउने गाडीको चालकको नाम सार्वजनिक गरिएको छैन्। घटनाबारे प्रहरी अनुसन्धान गरिरहेको छ।
रोजभिलेजवासी स्तब्ध
अमेरिकामा तीन जनाको मृत्यु भएको खबरले यता भक्तपुरको सुर्यविनायक नगरपालिका–२ वालकोट स्थित रोज भिलेजवासीलाई शोकाकुल बनाएको छ। ‘दुर्घटनाको खबरले हामीलाई स्तब्ध बनाएको छ’, स्थानीय रामचन्द्र गौतमले भने, ‘बस्ती नै शोकमा छ।’ भिलेजमा दुर्घटनामा परेका प्रभाष ओझाका बुवाआमा बस्दै आएका छन् ।घटनाको खबर पाएपछि ओझा परिवार अहिले अमेरिका जाने तयारीमा छ।
तपाईंको ईमेल गोप्य राखिनेछ ।