साहित्य

कविता : घाम चोर्ने नानीहरू

पुस २६, २०७६

    जाडो छ
    यतिबेला नानीहरू

    कक्षाकोठाबाट
    घाम चोरिरहेछन् /आगो चोरिरहेछन्
     र, गुरुहरू अनुशासनको नाममा छडी घुमाइरहेछन्।

    जाडो छ
    बादलले घाम चुसिरहेछ
    हिउँले आगो लुछिरहेछ।

    बन्द छन् झ्यालढोकाहरू
    बन्द छन् बालआवाजहरू

    र पनि
    झ्यालढोका खोलेर फोरेर
    सडक चउर र बस्तीमा
    घाम आगो चोर्न दगुरिरहन्छन् -आँखाहरू।

    पाठशाला नजिकै
    बर-पीपलको चौतारीमा
    भारी बिसाएर गर्मी साट्न
    आउँछन्
    पसिना र ठेला बोकेका भरियाहरू

    तर
    छुट्टै मनस्थिति बोकेर
    छुट्टीपछि सधैँ सधैँ
    खुला चउरमा
    खुला सडकमा
    खुला बस्तीमा
    घाम/आगो चोर्न दगुर्छन् कोठाभित्रका नानीहरू।

    जाडो छ
    कठ्याङ्ग्रिएका छन्
    समग्रमा यतिबेला
    आगो चाहन्छन् नानीहरू
    घाम चाहन्छन् नानीहरू।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]