योगेन्द्र योगी
दोहा : ‘नेपाल भ्रमण वर्ष २०२०’ लाई सफल पार्न नेपाली दूतावास कतारले विशेष कार्यक्रम गरेको छ। नेपाल भ्रमण वर्ष २०२० को कतारमा औपचारिक उद्घाटन गरिएको हो।
नेपाल सरकारले सन् २०२० मा २० लाख पर्यटक भित्र्याउने लक्ष्यलाई साथ दिँदै नेपाली दूतावास कतारले पनि उक्त कार्यक्रमको आयोजना गरेको हो।
कतारका लागि नेपालका राजदूत डा: नारदनाथ भारद्वाज र कतार एक्स्ट्रिम स्पोर्ट्सका संस्थापक र संरक्षक फरहान अल शेख अल सइदले बत्ती बालेर कार्यक्रमको उद्घाटन गरेका थिए।
कार्यक्रममा अन्तर्राष्ट्रिय फुटबल महासंघ कतारका अध्यक्ष अब्दुल्लाह यूसुफ ए फाखरु, बेल्जियम, संयुक्त राज्य अमेरिका र युएईका लागि कतारका पूर्व राजदूत, सलेम अल मारारी, कटारा सांस्कृतिक गाउँ प्रतिष्ठानका पिआर प्रबन्धक, वरिष्ठ अधिकारीहरू र कतारमा ट्राभल टुर अपरेटर्सका प्रतिनिधिहरु, वरिष्ठ अधिकारीहरु र प्रतिनिधिहरु मनी एक्सचेन्ज कम्पनीहरू, कतारका व्यापारीहरू, गैर आवासीय नेपाली संघका वरिष्ठ अधिकारीहरू र कतारमा रहेका नेपाली समुदायको उपस्थिति थियो।
कार्यक्रममा नेपालको पर्यटन हाइलाइट्स र आकर्षण सम्बन्धी एक संक्षिप्त भिडियो प्रस्तुत गर्दै नेपालका प्रमुख पर्यटकीयस्थलहरू र नेपाल भ्रमणका लागि आवश्यक पर्ने कार्यक्रमहरूको पनि प्रस्तुतीकरण गरिएको दूताबासले जनाएको छ।
समारोहलाई सम्बोधन गर्दै डा. भारद्वाजले नेपाल र कतारबीचको घनिष्ट र सौहार्दपूर्ण सम्बन्धको चर्चा गर्दै नेपालको पर्यटन सम्बन्धी प्रकाश परेका थिए भने कतारका नागरिकहरू र प्रवासी समुदायका सदस्यहरूलाई २०२० मा परिवार र साथीहरूसँग नेपाल जान आग्रह गरेका थिए।
नेपाल प्रकृति, संस्कृति र साहसको सुन्दर दृश्य हो। यो कतारबाट केही छोटो उडान मात्र हो। नेपालीहरू संसारका एक अति अतिथि सत्कार गर्नेहरू हुन् र उनीहरूलाई देवताहरू जस्तो स्वागत गर्छन् राजदूत भने। नेपाल भ्रमण गर्नुको अर्थ पनि नेपालको शान्ति, प्रगति र समृद्धिको चाहनालाई समर्थन गर्नु हो। उनले कतारका ट्राभल र टूर अपरेटरहरूलाई नेपालमा आकर्षक पर्यटन प्याकेजको उच्च सम्भाव्यतामा पैसा कमाउन प्रोत्साहित गरेका थिए।
राजदूत डा. भारद्वाजले कतारी नागरिक अब्दुल्लाह युसुफ रहमान अल फख्रुलाई २०२० मा पहिलो भिजिट भिषा प्रदान गरेका थिए। फख्रु अहिले नेपाल पुगिसकेका छन् उनी कतारका पूर्व कुटनैतिक क्षेत्रमा काम गरेका प्रख्यात व्यक्तित्व हुन्।
यता, भ्रमण वर्ष २०२० को औपचारिक उद्घाटन गरे संगै दुतावास र एनआरएनए एनसीसी कतारले सयुक्त रुपमा कतारमा भिजिट नेपाल २०२० अभियानको प्रचार प्रसारलाई पनि तिब्रता दिएको छ। दोहाको मुख्य ठाउँ कर्नेसको करिब ५ किलोमिटरमा ब्यानरसहित परेड गर्दै कर्नेस परिक्रमा गरेको थियो।
परेडमा कतारका लागि नेपाली राजदुत डा. नारद नाथ भारद्वाज वाग्ले, एनआरएनए सचीव राजेन्द्र कुमार शर्मा, सल्लाह टिवि कार्की लगाएत अभियानता र अन्य सामाजिक ब्याक्तित्वको उपस्थिति रहेको एनआरएनए एनसीसी कतारका प्रवक्ता सन्तोष क्षेत्री जानकारी दिए।
तपाईंको ईमेल गोप्य राखिनेछ ।