काठमाडौं : हाल देशभर कोरोना भाइरसका ३८ हजार ३ सय ५७ जना सक्रिय संक्रमितको संख्या रहेको छ। उनीहरु विभिन्न अस्पतालको आइसोलेशन र केही होम आइसोलेसनमा रहेको बताइएको छ। स्वास्थ्य तथा जनसंख्या मन्त्रालयका अनुसार हाल क्वारेनटिनमा २ हजार ६ सय ६६ जना रहेका छन्।
स्वास्थ्य तथा जनसंख्या मन्त्रालयका अनुसार आज देशभरका विभिन्न प्रयोगशालामा १४ हजार ९ सय ८९ जनाको पिसिआर विधिबाट गरिएको नमुना परीक्षणका क्रममा थप ३ हजार ५ सय १७ जनाको पोजेटिभ आएको छ।
योसँगै नेपालमा कोरोना संक्रमितको संख्या १ लाख ६८ हजार २ सय ३५ पुगेको छ। मन्त्रालयका पछिल्लो विवपरण अनुसार आज देशभर ४ हजार ९६ जना कोरोना संक्रमित संक्रमणमुक्त भएका छन्। योसँगै हालसम्म संक्रमणमुक्त हुनेको संख्या १ लाख २८ हजार ९ सय ५८ पुगेको छ।
पछिल्लो २४ घन्टामा १६ जना कोरोना संक्रमितको मुत्यु भएको मन्त्रालयले जनाएको छ। योसँगै नेपालमा कोरोना संक्रमणबाट मृत्यु हुनेको संख्या ९२० पुगेको छ।
तपाईंको ईमेल गोप्य राखिनेछ ।