काठमाडौं : नेपाल कम्युनिष्ट पार्टी (नेकपा)को ओली समूहले नारायणहिटीमा बृहत् सभा गर्दैछ। ‘अराजकताको अन्त्य, भौगोलिक अखण्डता, संविधानको रक्षा गर्दै विकास र समृद्धि मार्फत राजनीतिक स्थायित्वका लागि ताजा जनादेश’ भन्ने नाराका साथ नारायणहिटी दरबार अगाडि आमसभा गर्न लागिएको हो।
भेला केही बेरमा सुरु हुँदैछ। भेलालाई अध्यक्ष तथा प्रधानमन्त्री केपी शर्मा ओलीसहित उपप्रधानमन्त्री ईश्वर पोखरेल, गृहमन्त्री रामबहादुर थापालगायत नेताले सम्बोधन गर्नेछन्। सभा हुनुभन्दा अगाडि काठमाडौँ उपत्यकाका १३ स्थानबाट जुलुस निकालिरहेको छ।
सरकारले आगामी वैशाख १७ र २७ गते प्रतिनिधिसभा निर्वाचन घोषणा गरेको छ। सभा सम्पन्न गर्न जिल्ला, पालिका र वडास्तरीय परिचालन कमिटी गठन गरिएको छ। प्रदेश कमिटीले सभाको तयारी स्वरुप गत बुधबार काठमाडौँमा मोटरसाइकलको र्याली गरेको थियो।
तपाईंको ईमेल गोप्य राखिनेछ ।