काठमाडौं : धुलिखेल शिक्षा तालिम केन्द्रमा बागमती जिल्लाका विभिन्न सामुदायिक विद्यालयबाट उपस्थित शिक्षकहरुले नेपाल लेखा शिक्षक समाजको तदर्थ समिति गठन गरेका छन्।
शिक्षकहरूको भेलाको सर्वसम्मतबाट ज्ञानोदय मावि बाफल काठमाडौंका शिक्षक विष्णुप्रसाद ज्ञवालीको अध्यक्षतामा ९ सदस्यीय समिति गठन भएको हो। उक्त समितिको उपाध्यक्ष प्रतिमा गौतम, सचिव श्याम श्रेष्ठ, कोषाध्यक्ष रविना महर्जन र सदस्यहरुमा टेक प्रसाद घिमिरे, डोपिन्द्र कुमार बस्नेत ,अनिता पौडेल, भिमसेन अधिकारी र सुर्य प्रसाद घिमिरे रहेका छन्।
देशभरिका लेखा विषयका शिक्षकहरुलाई समेटेर शिक्षकको पेशागत हित अभिवृद्धि गर्ने, शिक्षण पेशालाई मर्यादित बनाउने जस्ता कार्यमा केन्द्रित भइ कार्य अगाडि बढाउने अभिप्रायका साथ गठित यस समितिलाई आवश्यक प्रकृया पूरा गरी कानुनी मान्यता प्राप्त रुपमा स्थापित गर्न तुरुन्तै पहल गरिने अध्यक्ष ज्ञवालीले जानकारी दिए।
यस्तै, भेलामा उपस्थित शिक्षक माधव प्रसाद पन्तले लेखा विषयको पाठ्यक्रममा गर्नुपर्ने सुधारका लागि सुझाव प्रदान गर्न तथा लेखा विषयको अध्ययनलाई व्यवहारिक प्रयोगसँग जोड्न आवस्यक पहल गर्नका लागि समितिको ध्यानाकर्षण गरे।
तपाईंको ईमेल गोप्य राखिनेछ ।