काठमाडौं : सोह्रखुट्टेको नयाँ बजारस्थित एक गार्मेन्ट उद्योगमा आगलागी भएको छ।
शुक्रबार दिउँसो करिब २ बजेदेखि आगलागी सुरू भएको महानगरीय प्रहरी परिसर प्रमुख अशोक सिंहले जानकारी दिए। अहिले भने आगो नियन्त्रणमा आएको प्रहरीले जनाएको छ।
खुसिबु नर्सरी चोकमा लोहोछे महर्जनको एकतले घरमा कालिकोटका जनम हमाल र ऐजना शाहीले गोदाममा वेल्डिङ गर्ने क्रममा आगो लागेको प्रहरीले जनाएको छ।
आगो नियन्त्रणमा लिन काठमाडौ महानगरपालिकाबाट ३ वटा र नेपाली सेनाको १ गरी ४ वटा दमकल परिचालन गरिएको थियो। 'अहिले भने आगो नियन्त्रणमा आइसकेको छ', उद्धार खटिएका एक प्रहरीले थाहाखबरलाई भने।
क्षतिको विवरण आइसकेको छैन।
तपाईंको ईमेल गोप्य राखिनेछ ।