काठमाडौं : नेकपा एमालेका नेता गोकुल बाँस्कोटाले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेपाल समाजवादी पार्टीका अध्यक्ष डा. बाबुराम भट्टराईप्रति कटाक्ष गरेका छन्।
‘कांग्रेसीकाे भिख’मा चुनाव जितेर प्रधानमन्त्री र सांसद बन्ने सपना देखेको भन्दै व्यंग्य गरेका हुन्।
उनले फेशबुकमा लेखेका छन्, ‘माओवादी नेता पनि कहिले काहिँ त रमाइलो कुरा गर्छन्। सुप्रिमो चुनावपछि सडकमा जाने रे, अनि डाक्टर बाबुरामले चै पृथ्वीनारायण शाहले देश एकीकरण गरे जस्तै राजनीति एकीकरण गर्ने रे। ऊ बेला शालिकसम्म बाँकी राखेनन्।’
उनले प्रचण्डको चुनावपछि व्यवस्था परिर्वतन गर्न सडकमा जाने अभिव्यक्तिलाई व्यंग्य गरेका छन्। माओवादीले युद्धकालमा शालिकहरु भत्काएकोप्रति असन्तुष्टि पोखेका छन्।
उनले कटाक्ष गर्दै भनेका छन्, ‘बन्नु-छ कांग्रेसी भिखमा प्रम र सांसद। गफ चै यस्ता। धमक्याउने कला त मान्नै पर्छ।’
तपाईंको ईमेल गोप्य राखिनेछ ।