पोखरा : कास्कीको अन्नपूर्ण गाउँपालिका–४ स्थित भदौरेमा आज (आइतवार) दिउँसो भएको जीप दुर्घटनामा १२ जना घाइते भएका छन्।
पोखराबाट अन्नपूर्णको भदौरेतर्फ जाँदै गरेको ग १ ज ५५४७ नम्बरको यात्रुवाहक जीप सल्लाघारी भन्ने ठाउँमा दुर्घटना भएको जिल्ला प्रहरी कार्यालय कास्कीका निमित्त प्रवक्ता प्रहरी निरीक्षक सूर्य रानाले जानकारी दिए।
उनका अनुसार घटनास्थलबाट घाइतेको उद्धार गरी उपचारका लागि पोखरा ल्याइँदै रहेकाले घाइतेको अवस्था एकिन हुन सकेको छैन।
घटनास्थल पोखराबाट २९ किमी टाढा पर्छ। घटनास्थलमा पुगेको प्रहरी र सशस्त्र प्रहरीको टोलीले स्थानीयको सहयोगमा घाइतेको उद्धार गरेको थियो। घटनाको विस्तृत विवरण आउन बाँकी रहेको प्रहरीले जनाएको छ।
तपाईंको ईमेल गोप्य राखिनेछ ।