समाज

हिसाब किताब मागेपछि वडा सचिव कार्यालय आउनै छाडे, सेवाग्राही मर्कामा

असोज १७, २०७४

    वीरगञ्ज : पर्साको पकहामैनपुर गाउँपालिका- ४ लहावर थकरीका वडा सचिव सम्पर्कविहीन हुँदा  जनताको कामकाज प्रभावित भएको छ। वडा सचिव हाकिम मियाँ गदी र प्राविधिक सहायक रामबहादुर चौरसियाले वडा कार्यालयमा आउन छाडेपछि कामकाज प्रभावित भएको हो।

    नवनिर्वाचित वडा अध्यक्ष ढेडिप्रसाद यादवले वडा सचिव गदीसँग आर्थिक हिसाब किताब माग्न थालेपछि उनीहरु वडा कार्यालय आउन छाडेको वडा अध्यक्ष यादवले जानकारी दिए।

    आर्थिक वर्ष ०७३/७४ को बजेटमध्ये भएको खर्चको विवरण माग गर्दा वडा सचिव गदीले आलटाल गरी कार्यालय आउन छाडेको अध्यक्ष यादवले जानकारी दिए। वडा सचिव हाकिम गदी र प्राविधिक सहायक वडा कार्यालयमा नआएपछि जन्मदर्ता, विवाह दर्ता, नागरिकता सिफारिस र मालपोत कर रसिद लगायतका जनताका काम प्रभावित भएको छ।

    यस सम्बन्धमा वडा अध्यक्ष ढेडीप्रसाद यादवले वडा सचिवहरु २४ घन्टाभित्र कार्यालयमा उपस्थित भई जनताको कामकाज सर्वसुलभ तरिकाले गर्न नसके हाजिरी रोका गरेर आवश्यक कारबाही प्रक्रिया अगाडि बढाउने जानकारी दिए।

    अध्यक्ष यादवले आफू जनताको प्रतिनिधि भएको हुँदा कुनै पनि काम पारदर्शी, छिटो छरितो र निःशुल्क सेवा दिनमा कुनै पनि कसुर बाँकी नराख्ने दृढता व्यक्त गरे। वडाका  कुनै पनि कर्मचारी र दलका स्थानीय नेताहरुले विकास निर्माणको काममा भ्रष्टाचार गरेको पाइए तुरुन्त कारबाही प्रक्रिया अगाडि बढाउने बताए। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]