विश्व

भारत र अमेरिकाबीच तीन अर्ब डलरको रक्षा सम्झौता

भारतले २४ वटा एमएच ६० रोमियो र ६ वटा एएच अपाचे हेलिकोप्टर किन्‍ने

फागुन १३, २०७६

    भारत र अमेरिकाबीच तीन अर्ब डलरको रक्षा सम्झौता भएको छ। अमेरिकी राष्ट्रपति डोनाल्ड ट्रम्पको भारत भ्रमणका क्रममा मंगलबार दुई मुलुकबीच रक्षा सम्झौता भएको हो।

    भारतीय प्रधानमन्त्री नरेन्द्र मोदी र अमेरिकी राष्ट्रपति ट्रम्पबीच मंगलबार भएको भेटवार्तापछि भएको पत्रकार सम्मेलनमा ट्रम्पले यसबारे जानकारी दिएका हुन्। सम्झौताअनुसार भारतले अमेरिकासँग २४ वटा एमएच ६० रोमियो हेलिकोप्टर, ६ वटा एएच अपाचे हेलिकोप्टर खरिद गर्ने छ।

    यस्तै, ट्रम्पले दुवै मुलुक आफ्ना नागरिकलाई कट्टर इस्लामिक आतंकवादबाट बचाउनका लागि प्रतिबद्ध रहेको समेत बताएका छन्। ट्रम्प र मोदी दुवैले द्विपक्षीय व्यापार दोहोरो अंकले वृद्धि भएको भन्दै खुशीसमेत व्यक्त गरे।

    यसअघि मंगलबार बिहान अमेरिकी राष्ट्रपति ट्रम्पलाई राष्ट्रपति भवनमा भारतीय राष्ट्रपति रामनाथ कोविन्द र प्रधानमन्त्री मोदीले स्वागत गरेका थिए। त्यस अवसरमा भारतीय सशस्त्र बलले गार्ड अफ अनर र २१ तोपको सलामी अर्पण गरेको थियो।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]