काठमाडौं : आन्दोलनरत स्थानीय तहका कर्मचारीले बुधबार वृहत् प्रदर्शन गरेका छन्। दिउँसो १२ बजे माइतीघर मण्डलामा भेला भएर यो झरीमा र्यालीसहित नयाँबानेश्वरसम्म उनीहरू पुगेका छन्।
प्रदर्शनका लागि विभिन्न जिल्लाबाट कर्मचारी काठमाडौं आएका हुन्। बिहीबार पनि प्रदर्शन गर्ने र सरकारले माग सुनुवाइ नगरे शुक्रबारदेखि स्थानीय तहका काम ठप्प पार्ने चेतावनी कर्मचारीले दिएका छन्।
उनीहरूले मंगलबार कार्यालयमै कालोपट्टी बाँधेर काम गरेका थिए । सरकारले ल्याउन लागेको संघीय निजामती विधेयकमा आफूहरूलाई नसमेटेको विरोधमा काठमाडौं केन्द्रित आन्दोलन थालेका हुन्। ऐनविहीन अवस्थामा रहेका स्थानीय तहका कर्मचारीको माग सम्बोधन हुने गरी एकीकृत संघीय निजामती ऐन ल्याउनुपर्ने उनीहरूको माग छ।
तपाईंको ईमेल गोप्य राखिनेछ ।