काठमाडौँ : आयरल्याण्ड ए विरुद्धको टी–२० सिरिजको पहिलो खेलमा नेपालले जितका लागि १२२ रनको लक्ष्य पाएको छ।
त्रिवि क्रिकेट मैदान कीर्तिपुरमा टस जितेर शुरुवाती ब्याटिङ थालेको आयरल्याण्ड ए ले निर्धारित ओभरमा सबै विकेट गुमाउँदै १२१ रन बनायो।
आयरल्याण्ड ए का लागि स्टीफन डोहेनीले सर्वाधिक ४६ तथा लियाम म्याककार्थी र टमस मेयसले १६/१६ रन बनाए। फिओन ह्यान्डले ११ रनको योगदान गरे।
केड कार्माइकल ८ तथा कप्तान नेल रक व्यक्तिगत ५ रनमा पेवेलियन फर्किएका थिए।
बलिङतर्फ गुल्सन झा, ललित नारायण राजवंशी र कुशल भुर्तेलले २/२ विकेट लिए।
नेपालले जवाफी ब्याटिङ थालिसकेको छ। नेपालका तर्फबाट कुशल भुर्तेल र आसिफ शेखले पारीको ओपनिङ गरेका छन्।
नेपाली राष्ट्रिय टिमले आयरल्याण्ड उल्भ्ससँग भोलि दोस्रो खेल खेल्ने तालिका छ।
त्यसपछि नेपालको ए टोलीले टी–२० र एक दिवसीय सिरिज खेल्नेछ।
तपाईंको ईमेल गोप्य राखिनेछ ।