सिन्धुपाल्चोक : स्वास्थ्य तथा जनसंख्या मन्त्रालयको टोली सिन्धुपाल्चोकको बाह्रबिसे जाने भएको छ।
नेपालमा पहिलो पटक कोरोना संक्रमणबाट सिन्धुपाल्चोककी महिलाको मृत्यु भएपछि त्यसको अनुसन्धान गर्न मन्त्रालयको टोली त्यसतर्फ जान लागेको हो। सो टोलीले महिलाको घर, माइती, वरपरका बजार र उनको सम्पर्कमा आएका व्यक्तिहरुको सम्भावित जोखिम आँकलन गर्ने छ।
सिन्धुपाल्चोकको बाह्रबिसे–९ राम्चेकी २९ वर्षीया महिलाको कोरोना संक्रमणबाट धुलिखेल अस्पतालमा मृत्यु भएको थियो। आफ्नो निर्वाचन क्षेत्रकी महिलाको कोरोनाबाट मृत्यु भएको जानकारी पाएलगत्तै सभामुख अग्नि प्रसाद सापकोटाले स्वास्थ्यमन्त्री भानुभक्त ढकाललाई टेलिफोन गरी स्वास्थ्य विज्ञहरुको टोली पठाउन आग्रह गरेका थिए।
स्वास्थ्य मन्त्रालयको मन्त्रालयको टोलीसँगै बागमती प्रदेश सरकारको र्यापिड एक्सन फोर्सको टोली पनि सिन्धुपाल्चोक आउन लागेको बाह्रबिसे नगरपालिकाका मेयर निमाफुन्जो शेर्पाले जानकारी दिए।
तपाईंको ईमेल गोप्य राखिनेछ ।