सन् २०१७ मा इन्डोनेसियाको लेनङ तेडोङ्गे गुफामा भेटिएको भ्रूणलिपी ४५ हजार ५ सय वर्ष पुरानो रहेको पुष्टि भएको छ।
सुंगुरको चित्र कोरिएको सो भ्रूणलिपीलाई पुरातत्वविदहरूले अहिलेसम्म भेटिएको संसारकै पुरानो रहेको बताएका हुन्।
भ्रूणलिपीपछि चित्रलिपी र साङ्केतिक लिपी हुँदै मानिस बल्ल ध्वन्यात्मक (बोल्न र सो कुरा बुझ्नसक्ने) अवस्थामा आइपुगेको थियो। ध्वनीहरू बुझाउन बनाइएका चिन्हहरूको संग्रह नै वर्णमाला हो।
इन्डोनेसियामा भेटिएको सुंगुरको चित्र सो भ्रूणलिपी कम्तिमा ४५ हजार ५ सय वर्ष पुरानो रहेको भनिएको छ। अष्ट्रेलियाको ग्रिफिट विश्वविद्यालयका अनुसन्धाताहरूले सो भ्रूणलिपीमाथि अनुसन्धान गरेका थिए।
गुफाको भित्तामा कोरिएको सुंगुरको सो चित्रको लम्बाई १३६ सेन्टिमिटर र चौडाई ५४ सेन्टिमिटर रहेको अलजजिरा उल्लेख गरेको छ।
यसअघि इन्डोनेसियाकै सुलावेशी गुफामा भेटिएको एनोआ जातको भैँसीको चित्रलाई संसारको सबैभन्दा पुरानो भ्रूणलिपी रहेको भनिएको थियो। यो भ्रूणलिपीमाथि पनि ग्रिफ्रिट विश्वविद्यालयका अनुसन्धानकर्ताहरूले नै अनुसन्धान गरेका थिए।
तपाईंको ईमेल गोप्य राखिनेछ ।