झापा : श्रीमती हुँदाहुँदै दोस्रो विवाह गर्न खोज्ने एकजनालाई प्रहरीले गौरादहबाट नियन्त्रणमा लिएको छ। सुनसरी, इटहरी–१९ का साजन चौधरीलाई बिहीबार नियन्त्रणमा लिएको इलाका प्रहरी कार्यालय दमकले जनाएको छ।
श्रीमतीको उजुरीका आधारमा चौधरीलाई विवाह मण्डपबाट नै नियन्त्रणमा लिएको प्रहरीले जनाएको छ। गौरादह–२ झापाकी एक युवतीसँग विवाह गरी अन्माउने वेलामा प्रहरी पुगेको थियो। बेहुला पक्राउ परेपछि भने जन्ती अलपत्र परेका थिए।
पक्राउ परेका चौधरीलाई इलाका प्रहरी कार्यालय दमकमा राखेर थप अनुसन्धान गरिरहेको प्रहरी नायब उपरीक्षक मनोजकुमार लामाले जानकारी दिए।
तपाईंको ईमेल गोप्य राखिनेछ ।