मस्को : विश्वकप फुटबलमा पहिलोपटक प्रयोग भएको कम्प्युटर प्रणाली भिडियो असिस्टेन्ट रेफ्री (भिएआर) का सदस्यहरूले विश्वकप समूह चरणका बिहीबारसम्म भएका खेलहरूमा जम्मा ३३५ घटनालाई जाँच गरेको र यसबाट ९९.३ प्रतिशत सही निर्णय दिन सफलता मिलेको अन्तर्राष्ट्रिय फुटबल महासंघ (फिफा)ले शुक्रबार जारी विज्ञप्तिमा जनाएको छ।
फिफाले रसियामा जारी विश्वकप फुटबलका खेलहरूमा पहिलोपटक कम्प्युटर प्रणाली भिएआरको प्रयोग गरेको हो। भिएआर समूहले जम्मा ३३५ घटनालाई परीक्षण गरेको थियो।
विश्वकपका सबै १२२ गोलहरू भिएआरले परीक्षण गरेको थियो भने उक्त प्रणालीको सहयोगमा यसको सहयोगमा जम्मा १२२ गोल भएका छन् र अन्य खेल अवधिमा लाइनक्रस, अपसाइड तथा खेलाडीका गतिविधि हेर्नका लागि प्रयोग गरिएका फिफा रेफ्री समितिका अध्यक्ष पियरलुइजी कोलिनाले शुक्रबार बताए।
भिएआर प्रणालीको हस्तक्षेपका कारण निर्णय सच्चाइएका घटना भने जम्मा १४ वटा रहेका कोलिनाले जानकारी गराए। निरीक्षण भएका १४ घटनामध्ये तीन वटा मूल्यांकन रेफ्रीको कम्प्युटर मनिटर अगाडिको उपस्थितिविना नै गरिएको थियो भने अन्य मुल्यांकनमा रेफ्री आफैँ स्क्रिन अगाडि बसेर हेरेको उनले बताए।
रेफ्रीले भिएआर प्रणालीको सहयोगविना नै लिएका ९५ प्रतिशत निर्णय सही पाइएको थियो भने प्रणालीले निर्णयलाई थप प्रभावकारी बनाउँदा ९९.३ प्रतिशत नतिजा सही बन्न पुगेको फिफाको ठहर छ।
तपाईंको ईमेल गोप्य राखिनेछ ।