विश्वकप क्वाटर फाइनलमा बेल्जियमलाई ब्राजिलले गोल फर्काएर खेललाई २-१ को अवस्थामा ल्याएको छ। ब्राजिलका रेनाटो अगुस्टोले खेलको ७६औँ मिनेटमा गोल फर्काएका हुन्।
पहिलो हाफमा ब्राजिलले दुई गोल खाएको थियो। बेल्जियमका केभिन ब्रुएनीले ३१औँ मिनेटमा गोल गर्दै अग्रतालाई दोब्बर पारेका थिए।
खेलको पहिलो गोल ब्राजिलका फर्नान्डिनोको आत्मघाती गोलबाट भएको थियो।
बेल्जियमले पाएको कर्नर बचाउन खोज्दा फर्नान्डिनोले बललाई आफ्नै पोष्टमा पुर्याएका थिए। खेलको तेह्रौँ मिनेटमा बेल्जियमले अग्रता लिएको हो।
यो खेलको विजेताले सेमिफाइनलमा फ्रान्ससँग प्रतिस्पर्धा गर्नेछ।
तपाईंको ईमेल गोप्य राखिनेछ ।