समाज : सुरक्षा/अपराध

लागुऔषधसहित पर्सामा एक पक्राउ
SHARES

जेठ २५, २०७६

    पर्सा : लागुऔषध प्रयोगकर्ता र कारोबारीले भारतबाट विगतमा ल्याउने गरेकोभन्दा भिन्न प्रकारको प्रतिबन्धित लागुऔषध लिएर नेपाल प्रवेश गरिसकेको अवस्थामा प्रहरीले एक अभियुक्तलाई पक्राउ गरेको छ। सशस्त्र प्रहरी बल पर्सा र नेपाल प्रहरी पर्सा मातहतको संयुक्त प्रहरी टोलीले वीरगन्जबाट एकजनालाई पक्राउ गरेको हो।

    भारतको रक्सौलबाट तयारी अवस्थाको ४ प्रकारको प्रतिवन्धित लागुऔषध लिएर नेपाल प्रवेश गरिसकेको अवस्थामा अभियुक्तलाई वीरगन्ज महानगरपालिका-१६ वीरगन्ज भन्सार कार्यालय नजिकबाट पक्राउ गरिएको जिल्ला प्रहरी कार्यालय पर्साले जनाएको छ। पक्राउ पर्नेमा बाराको कलैया उपमहानगरपालिका-४ का ४५ वर्षीय शिवबालक साह रहेका छन्।

    अभियुक्तले ओनेरेक्स २ बोत्तल, वालरेक्स २ बोत्तल, सिम्प्लेक्स ट्याव्लेट ५ थान र नाइट्राजेपान ट्याव्लेट ८ थान लिएर आउँदै गर्दा रंगेहात पक्राउ परेको पर्सा प्रहरीको भनाइ छ। पक्राउ परेका साहलाई लागुऔषध मुद्दामा थप अनुसन्धान र कारबाही अगाडि बढाइएको जिल्ला प्रहरी कार्यालय पर्साका प्रहरी उपरीक्षक सोमेन्द्र सिंह राठौरले बताए।

    विगतमा कारोबारी र प्रयोगकर्ताले नेपाल भित्र्याउने तयारी अवस्थाको प्रतिबन्धित लागुऔषधभन्दा साहले योपटक ल्याएको लागुऔषध अलि भिन्न प्रकारको रहेको उनको भनाइ छ। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]