खेलकुद

अर्जेन्टिनालाई विश्वकपमा पहिलो अंक
SHARES

जेठ २८, २०७६

    काठमाडौं : फिफा महिला विश्वकपमा सोमबारको खेलमा अर्जेन्टिनाले जापानलाई गोलरहित बराबरीमा रोकेको छ। 

    पार्स डेस प्रिन्समा भएको समुह ‘डी’ को खेलमा साविक उपविजेतासंग बराबरी खेल्दै अर्जेन्टिनाले महत्वपुर्ण १ अंक बटुल्न सफल भएको हो। अधिकांश समय जापानले बल नियन्त्रणमा राखे पनि गोलरक्षक भेनिना कोरेरालाई बिट गराउँदै गोल गर्न सकेन।

     १२ वर्षपछि विश्वकपमा स्थान बनाएको अर्जेन्टिनाले पहिलो पटक अंक बटुलेको हो। यसअघिका सन २००३ र २००७ को  विश्वकपको समुह चरणको सवै खेलमा अर्जेन्टिना पराजित बनेको थियो। 

    समान अंक रहेपनि अर्जेन्टिना दोश्रो र जापान तेश्रो स्थानमा रहेका छन। खेल अवधीभर जापानका ३ जना खेलाडीले पहेलो कार्ड पाएका थिए। 

    क्यानडा विजयी

    त्यसैगरी मंगलबार भएको समुह ‘ई’ को पहिलो खेलमा कादिसा बुचानाको निर्णायक गोलको मद्धतले क्यानडाले क्यामरुनमाथि १-० गोल अन्तरको संर्घषपूर्ण जित निकालेको छ। 

    अधिकांश समय बल पोजिसनमा राखेको क्यानडाले पहिलो हाफको अन्तिम मिनेटमा अग्रता कायम गरेको थियो। जेनिन बेक्किको कर्नर प्रहारलाई हेडरमार्फत् जाली चुमाउँदै बुचानाले अग्रता दिलाएकी थिइन्। दोश्रो हाफमा सम्हालिएर खेल्दै क्यामरुनले गोल हुन दिएन। 

    जितसँगै ३ अंकका साथ क्यानडा समुहको शीर्ष स्थानमा रहेको छ। आज नै हुने खेलमा समुह ‘ई’ को दोश्रो खेलमा न्युजिल्यान्डले नेदरल्यान्ड र समुह ‘एफ’ को पहिलो खेलमा चिलीले स्विडेनको सामना गर्नेछ।  

नमिन ढकाल

ढकाल थाहाखबरका इलाम संवाददाता हुन्। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]