काठमाडौं : सरकारले केबुल टेलिभिजनमा क्लीन फिड लगाउने व्यवस्था गर्न लागेकोप्रति पत्रकार महासंघले समर्थन गरेको छ।
सरकारले संसदमा पेश गरेर छलफलमा रहेको विज्ञापन विधेयकमा क्लीन फिडको व्यवस्थालाई लिएर केबुल टिभी व्यवसायी आन्दोलित भएर प्रशारणमासमेत रोक लगाएको बेला पत्रकार महासंघले विज्ञप्ति जारी गर्दै उक्त विधेयकको समर्थन गरेको हो।
पत्रकार महासंघका महासचिव रमेश विष्टले मंगलबार एक विज्ञप्ति जारी गर्दै उक्त विधेयकको समर्थन गरेका हुन्। उनले विज्ञप्तिमा लेखेका छन्, 'सरकारको आमसञ्चार नीति र पत्रकार महासंघले विभिन्न चरणमा अघि सारेको मागपत्र तथा पारित दस्तावेजहरूमा क्लीन फिड व्यवस्था लागु गर्ने विषय उच्च प्राथामिकतामा रहँदै आएको थियो। क्लीन फिडले नेपाली सञ्चार माध्यमहरूको दिगो विकासमा महत्वपूर्ण सहयोग पुग्छ भन्ने महासंघको विश्वास छ। विज्ञापन विधेयकमा क्लीन फिड व्यवस्था गरी लागु गर्ने दृढता प्रर्दशन गरेकोमा महासंघ सरकारलाई हार्दिक धन्यवाद ज्ञापन गर्दछ।'
तपाईंको ईमेल गोप्य राखिनेछ ।