राजनीति

संघीय सरकारमा जाने कुरा 'वाहियात' : राजेन्द्र महतो

माघ ९, २०७६

    जनकपुरधाम : राष्ट्रिय जनता पार्टी (राजपा) अध्यक्ष मण्डलका सदस्य राजेन्द्र महतोले संघीय सरकारमा जाने 'वाहियात' कुरा मिडियाले लेखिरहेको बताएका छन्।

    राष्ट्रियसभा निर्वाचनमा राजपा-नेकपा गठबन्धनका चारै उम्मेदवार निर्वाचित भएपछि मतदातालाई धन्यवाद दिँदै नेता महतोले संघीय सरकारमा सहभागी नहुने स्पष्ट पारेका हुन्। उनले राष्ट्रियसभाको लागि मात्र नेकपासँग गठबन्धन गरेको र सरकारमा जाने हल्ला गलत भएको दावी गरेका छन्।

    नेता महतोले सांसद रेशम चौधरीको रिहा, झुठा मुद्दाहरू खारेज र संविधान संशोधन नभएसम्म सरकारमा नजाने बताए। उनले प्रदेश सरकारसमेत परिवर्तन नहुने स्पष्ट पारे। ‘कसले के हल्ला गर्छन्, थाहा छैन। तर प्रदेशमा नेकपासँग मिलेर सरकार बनाउने कुनै सम्भावना नै छैन’  उनले भने।

    संचारकर्मीको जिज्ञासामा नेता महतोले राष्ट्रियसभा सम्पन्न भएपछि राजपा र नेकपाको गठबन्धन भत्कियो भनेर बोल्न चाहेनन्। ‘गठबन्धन सफल भयो। अहिले यति बुझ्नुस्’ उनले भने।

    प्रदेश २ मा राष्ट्रिय सभाका लागि बिहीबार भएको निर्वाचनमा राजपा-नेकपा गठबन्धनका चारै उम्मेदवार कांग्रेस-समाजवादी पार्टीका उम्मेदवारलाई पराजित गर्दै निर्वाचित भएका छन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]