समाज : सुरक्षा/अपराध

भारत लैजाँदै गरेको ६ बोरा मास्‍क बरामद

पर्साबाट दुई व्यापारी पक्राउ

चैत ६, २०७६

    पर्सा : नेपालबाट अवैध ढंगले भारतर्फ लैजाँदै गरेको ६ बोरा मास्कसहित दुईजना पक्राउ परेका छन्। उनीहरूलाई पर्सा प्रहरीले जिल्लाको पोखरियाबाट ६ बोरा मास्कसहित पक्राउ गरेको हो।

    कोरोना भाइरस (कोभिड १९) को महामारी फैलिएर मास्‍कको अभाव भइरहेको समयमा उनीहरुले गलत ढंगले मास्‍क भारत लान थालेको समयमा पक्राउ गरिएको पर्सा प्रहरीले जनाएको छ। अभियुक्तले काठमाडौंबाट रात्रि बसमा ल्याउँदै गरेको समयमा बसमा नै छड्के चेकजाँच गरी नियन्त्रणमा लिएको पर्सा प्रहरी उपरीक्षक गंगा पन्तले बताइन्।

    प्रहरी नियन्त्रणमा परेका दुवै अभियुक्त पर्साकै छिपहरमाई गाउँपालिका-५ बस्ने ३८ वर्षीय सुनिल जयसवाल र २६ वर्षीय अजय महतो कोइरी रहेका छन्। उनीहरूलाई आवश्यक कारबाही प्रक्रिया अगाडि बढाइरहेको प्रहरी उपरीक्षक पन्तले बताइन्। 

    विश्वमा नै महामारीको प्रकोप फैलिएको समयमा कालोबजारी गर्ने र अवैध क्रियाकलाप गर्नेलाई निगरानी राखिराखेको समयमा काठमाडौंबाट अवैध ढंगले ६ बोरा मास्‍क ल्याउँदै गरेको समयमा कारोबारीलाई पर्साको पोखरियाबाट पक्रन सफल भएको पर्साका प्रहरी नायव उपरीक्षक वीरेन्द्रबहादुर शाहीले बताए।

तुलसी भण्डारी

भण्डारी थाहा खबरका पर्सा समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]