विश्व

युरोपमा भयावह बन्दै कोरोनाको महामारी, इटालीमा संक्रमित एक लाख नाघे

चैत १८, २०७६

    इटलीमा कोरोना भाइरस संक्रमितको संख्या एक लाख नाघेको छ। 

    हिजो एकै दिन ४ हजार ५० नयाँ संक्रमित भेटिएसँगै इटलीमा संक्रमितको संख्या १ लाख १ हजार ७ सय ३९ पुगेको हो। इटलीमा हिजो एकै दिन ८ सय १२ जनाको मृत्यु भएपछि त्यहाँ मृतकको संख्या ११ हजार ५ सय ९१ पुगेको छ। 

    अमेरिकामा कोरोनाको संक्रमण दर तिब्र रुपमा फैलिइरहेको। हिजो एकै दिन झण्डै २० हजार नयाँ संक्रमित भेटिएसँगै त्यहाँ संक्रमितको संख्या १ लाख ६३ हजार ३ सय ८१ पुगेको छ। हिजो मात्रै अमेरिकामा ५ सय ६५ जनाको मृत्यु भएको छ। स्पेनमा हिजो ९ सय १३ जनाको मृत्यु भएपछि मृतकको संख्या ७ हजार ७ सय १६ पुगेको छ। 

    त्यहाँ झण्डै ८ हजार नयाँ संक्रमित थपिएका छन् । फ्रान्समा हिजो ४ सय १८, जर्मनीमा १ सय ४, बेलायतमा १ सय ८०, इरानमा १ सय १७, नेदरल्याण्ड्समा ९३ र बेल्जियममा ८२ जनाको मृत्यु भएको छ। 

    त्यसैगरी टर्कीमा ३७, क्यानडामा २४, पोर्चुगलमा २१, ब्राजिलमा २७ र स्वीडेनमा ३६ जनाको ज्यान गएको छ। भारतमा हिजोमात्रै ५ जनाको मृत्यु भएपछि त्यहाँ मृतकको संख्या ३२ पुगेको छ। 

    थप २ सय २७ नयाँ संक्रमित भेटिएपछि कूल संक्रमितको संख्या १२ सय ५१ पुगेको छ । विश्वभर हिजो एकै दिन ३७ सय १५ जनाको मृत्यु भएसँगै कूल मृतकको संख्या ३७ हजार ७ सय ८० पुगेको छ भने हिजो एकै दिन झण्डै ६१ हजार नयाँ संक्रमति थपिएका छन् । कूल संक्रमतिको संख्या ७ लाख ८४ हजार २ सय ८३ पुग्दा १ लाख ६५ हजार उपचारपछि निको भएका छन्।
     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]