सल्यान : दुई सातादेखि हराइरहेका जाजरकोटका एक जना सल्यानमा मृत भेटिएका छन्।
जाजरकोट जुनिचाँदे गाउँपालिका ८ का २३ वर्षीय धन बहादुर रावतको शव सल्यानको वनगाड कुपिण्डे नगरपालिका १ साङटाखोलामा फेला परेको जिल्ला प्रहरी कार्यालय सल्यानले जानकारी दिएको छ।
वनगाड कुपिण्डे नगरपालिका १ बुरेलीमा केही महिनादेखि मजदुरी गर्दै आइरहेका रावत गत चैत ९ गतेदेखि हराएका थिए। परिवारले हराएको सूचना दिएपछि खोजीमा जुटेको प्रहरीले उनको शव सोमबार सडेको अवस्थामा फेला पारेको हो।
आफन्तले कपडाको आधारमा रावलको शव पहिचान गरेको र पोष्टमार्टमका लागि सल्यान जिल्ला अस्पताल ल्याइँदै गरेको प्रहरीले जनाएको छ। घटनाबारे प्रहरीले अनुसन्धान थालेको छ।
तपाईंको ईमेल गोप्य राखिनेछ ।