समाज

बन्दिपुरमा रहेका विदेशी पनि फर्किन मानेनन्

चैत २७, २०७६

    तनहुँ : बन्दिपुरमा भ्रमण, अध्ययन तथा तालिमका लागि विभिन्न देशबाट आएका विदेशी घर फर्किन मानेका छैनन्। बन्दिपुर गाउँपालिका कार्यालयको सहयोगमा बन्दिपुर क्षेत्रका होटलमा रहेका विदेशीको तथ्यांक संकलन गरी आ–आफ्नै देशमा पठाउने व्यवस्था गरेको छ। तर असुरक्षाका कारण देखाउँदै उनीहरु घर फर्किन नमानेका हुन्।

    होटलमा बस्दै आएका विदेशीको पहिचान गरी आ आफ्नै देशमा पठाउने उद्देश्यले तथ्याङ्क संकलन गरिए पनि उनीहरु घर फर्किन अस्वीकार गरेको बन्दिपुर गाउँपालिकाका अध्यक्ष पूर्णसिंह थापाले जानकारी दिए।

     ‘फर्किनका लागि दूतावाससम्म गाउँपालिकाले व्यवस्था गरिदिने भने पनि  मान्दैनन्, घुम्न तथा तालिम र अध्ययनका लागि आफैं बोलाउने यस्तो संकटको समयमा तिम्रै देश फर्केर जाऊ भन्ने ? हामी यही सुरक्षित छौं, महामारी सकिएपछि फर्किन्छौं भन्ने गर्छन्,’ अध्यक्ष थापाले भने।  

    उनका अनुसार जिल्लामा फ्रान्सका पाँच, कोरियाका तीन, रुसका दुई, चीनका एक, कोलम्बियाका दुई, क्यानडा एक गरी १४ जना रहेका छन्। उनीहरुमध्ये क्यानडाका एक नागरिक भने घर फर्किन चाहेका थिए। ‘गाउँपालिकाले काठमाडौंसम्म पुर्‍यादिने व्यवस्था गरे पनि उनीहरू यहीँ सुरक्षित भनेर जान  चाहेका छैनन्।

    सरकारले लक डाउनका कारण उनीहरु बन्दिपुरमै रोकिएका हुन्। फ्रान्सबाट आएका चारलोटीले आफ्नो देश भन्दा नेपाल सुरक्षित रहेकोले देश फर्किन मन नलागेको बताए। ‘भ्रमण वर्ष मनाउन नेपाल आएका हौं,’ यो महामारीको अन्त्य नभएसम्म आफ्नो देश फर्कदैनौं,’ चारलोटीले भने। 

    कोरोना भाइरस महामारी फैलिन थालेपछि उनीहरुलाई बन्दिपुर अस्पतालमा एक दिन एक रात राखेर स्वास्थ्य परीक्षण गरिएको छ। उनीहरुको स्वास्थ्य अवस्था पनि सामान्य  रहेकोले बस्न अनुमति दिइएको बन्दिपुर बजार इकाई सभापति एवं पर्यटन विकास समितिका पूर्वध्यक्ष बैंस गुरुङले बताए। 
     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]