काठमाडौं : अख्तियार दुरुपयोग अनुसन्धान आयोगले गैरकानूनीरूपमा सम्पत्ति आर्जन गरेको अभियोगमा यातायात व्यवस्था कार्यालय बाग्मती सुकेधाराका तत्कालीन उपसचिव सुन्दर भट्टराईविरुद्ध विशेष अदालतमा मुद्दा दायर गरेको छ।
आयोगका अनुसार २०३८ साउन १ गते सेवा प्रवेश गरेका भट्टराईको २०७५ मङ्सिरसम्मको सम्पत्तिमाथि छानबिन गरिएको थियो। उपसचिव भट्टराईले रु. एक करोड ९२ लाख एक हजार ९२२ बराबर आम्दानी गरेको भए पनि रु. तीन करोड सात लाख ३१ हजार ११६ बराबरको व्यय देखिएको छ। आयबाट समग्र व्यय घटाउँदा रु. एक करोड १५ लाख २९ हजार १९३ बराबरको सम्पत्तिको स्रोत नखुलेको पाइएको हो।
आयोगले रु. एक करोड १५ लाख २९ हजार १९३ बराबरको बिगो कायम गर्दै विशेष अदालतमा मुद्दा दायर गरेको छ। आयोगले उपसचिव भट्टराईका हालकी पत्नी मुना अधिकारी, छोरा उत्सुक भट्टराई, छोरी प्रेरिका भट्टराईको नाममा राखेको पाइएको छ।
आयोगले भट्टराईकी मृतपत्नी इन्दिरा भट्टराईलाई समेत प्रतिवादी कायम गरी विशेष अदालतमा मुद्दा दायर गरेको प्रवक्ता भोला दाहालले जारी गरेको विज्ञप्तिमा उल्लेख छ।
तपाईंको ईमेल गोप्य राखिनेछ ।