काठमाडौं : विश्वकप लिग- २ नामिबियासँगको खेलमा ब्याटिङ गरिरहेको नेपालको चौथो विकेट गुमेको छ। कप्तान रोहित पौडेल १४ बलमा १ रन बनाएर आउट भएका हुन्।
नामिबियाको पहिलो बलमै ओपनर कुशल भुर्तेल आउट भएका थिए भने ८ रन बनाउँदै अनिल साह रन आउट हुन पुगे। आसिफ शेख ४ रनमा सहज क्याच आउट भए।
रोहित पौडेलको कप्तानीमा रहेको नेपालबाट आसिफ शेख, कुशल भुर्तेल, भिम सार्की, अनिल शाह, पवन सर्राफ, कुशल मल्ल, करण केसी, सोमपाल कामी, गुल्शन झा र ललित राजवंशी खेलिरहेका छन्। आजको खेलमा आजको खेलमा आसिप शेख र देव खनाल बेन्चमा रहेका छन्।
लिग–२ को २०२४–२७ को सर्कलमा यो पहिलो शृंखला हो। नेपाल र नामिबियासहित नेदरल्यान्ड्सले यस शृंखलामा प्रतिस्पर्धा गरिरहेको छ। तीन वर्ष चल्ने लिग २ मा ८ टोलीले ९–९ शृंखलामा ३६ खेल खेल्ने छन्।
तपाईंको ईमेल गोप्य राखिनेछ ।