काठमाडौँ : राष्ट्रिय टी–२० क्रिकेटमा लुम्बिनी र मधेश प्रदेशले विजयी शुरुवात गरेका छन्।
प्रतियोगिताअन्तर्गत आज भएको पहिलो खेलमा बागमती प्रदेशलाई ६ विकेटले हराउँदै मधेशले विजयी शुरुवात गरेको हो।
जितका लागि बागमतीले दिएको १४२ रनको लक्ष्य मधेशले १७ ओभरमा ४ विकेट गुमाएर भेट्टाएको थियो।
आजै भएको दोस्रो खेलमा गण्डकी प्रदेशलाई ७ विकेटले हराउँदै लुम्बिनीले पनि विजयी शुरुवात गरेको छ।
जितका लागि गण्डकीले दिएको १३६ रनको लक्ष्य लुम्बिनीले १७ दशमलव २ ओभरमा ३ विकेट गुमाएर भेट्टायो। लुम्बिनीको जितमा सुनिल भण्डारीले अविजित ६० रनको योगदान गरे।
प्रतियोगितामा ३ विभागीय टोलीसहित १२ टोली सहभागी छन्। १२ टोलीलाई ४ समूहमा विभाजन गरिएको छ।
तपाईंको ईमेल गोप्य राखिनेछ ।